Flim Reviews

‘စတုတ္ထ အတောင်ပံများ’ ညီလင်းအိမ် အမေရိကန်ပြည်ထောင်စုရဲ့ နာမည်ကျော် စကားစုက သူတို့တိုင်းသူပြည်သား အကျိုးစီးပွားရဲ့ ဥပဒေ အထက်မှာ ဘယ်သူမှ ရှိမနေရဘူး ဆိုတာပဲ။ သမ္မတလည်း မရဘူးပေါ့။ ဒီလို Political Thriller တွေနဲ့ ပတ်သက်ပြီး ရိုက်ကြတဲ့ ဖြစ်ရပ်မှန် အခြေပြု ရုပ်ရှင်တွေထဲမှာ Watergate Scandal ကိစ္စက နာမည်ကြီးပါတယ်။ ရှု့ထောင့်အမျိုးမျိုးကနေ ရိုက်ပြကြတယ်။ ကျနော်ကြိုက်တာကတော့ Robert Redford နဲ့ Dustin […]

‘မြင်ထောင့်များရဲ့ အခြားတဘက်’ ညီလင်းအိမ် ဗီယက်နမ်ပြည်တွင်းစစ်နဲ့ပတ်သက်တိုင်း အများဆုံးကြည့်ရတာက အမေရိကန်တွေ ရိုက်တဲ့ဖလင်က များတာပဲ။ အဲဒီမှာ အမေရိကန်တပ်သားတွေ ဒုက္ခရောက်တာ၊ အိမ်ကိုပြန်ချင်ကြတာ၊ စစ်ကြောင့်ပဲ အိမ်ထောင်ရေးပြဿနာတွေ ဖြစ်ကုန်တာ။ စစ်ကိုအကြောင်းပြုပြီး အသားအရောင်ခွဲခြားတာတွေအထိ အမေရိကမှာ ပြဿနာတက်ရတာ ဥပမာ လူမည်းတွေဆိုရင် စစ်ပွဲထဲမှာ ပိုမိုအသေအပျောက်များတဲ့နေရာ ထမ်းဆောင်ရတာတို့၊ တခုခုဖြစ်ရင် လျစ်လျှုရှု့တာတို့ စလို့ပေါ့လေ။ စစ်ပွဲအကြောင်းပြုပြီးပဲ မူးယစ်ဆေးဝါးခိုးသွင်းတာအထိ ရိုက်ပြသလို စစ်ပွဲကနေ ပြန်လာတဲ့ စစ်အနာသင့်နေသူတွေ။ စင်စစ်လူ့အဖွဲ့အစည်းကြီးက ဗီယက်နမ်စစ်ပြန်တွေဆိုရင် […]

‘စူကျိုးမြစ်ထဲသို့ ခုန်ချခြင်း’ ညီလင်းအိမ် သည်ရက်ပိုင်းတွေမှာ စာရေးချင်စိတ်နဲ့ အချိန်မရမှုတွေက တူယှဉ်တွဲ ဖြစ်ပေါ်လျက်သား ရှိနေတယ်။ နွေလယ်ရက်တွေကို ကျော်လွန်ခဲ့ပြီ ဖြစ်ပေမဲ့ စက်တင်ဘာလများရဲ့ မိုးရက်တွေဟာ ခြောက်သွေ့လွန်းလှတယ်။ အဝေးမှာ မြင်ရတဲ့ လမ်းပျပျက တံလျှပ်များကြောင့် ရီဝေကွဲအက်နေတယ်။ တိတ်ဆိတ်အသက်မဲ့လွန်းလှတဲ့ ကျနော့် အခန်းငယ်ကလေးထဲကို နေရောင်တွေဝင်လာပုံက စာနာမှု ကင်းမဲ့လွန်းလှပါရဲ့။ ဒီတော့ ကျနော့်ရဲ့ စာရေးလိုစိတ်တွေဟာ ပူပြင်းတဲ့ ရာသီဥတုအောက်မှာ လက်မြှောက် အရှူံးပေးပေးနေရတယ်။ အိပ်ရာကနေ မူးသီဝေဝါးတဲ့ […]

‘မေလထဲမှာ ကျနေတဲ့ မိုးဖွဲတွေ’ ညီလင်းအိမ် မေလထဲက မိုးဖွဲတွေရဲ့အောက်မှာ ကျနော်ကလည်း အိပ်နေကြတဲ့ ခိုငှက်တွေနဲ့အတူ ဒီအခန်းကလေးထဲမှာပဲ ခိုအောင်းလို့ နေခဲ့တယ်။ ငယ်ငယ်တုန်းကတော့ ထန်းလျက်ဂိုဒေါင်လိုဆောက်ထားတဲ့ အိမ်ကလေးရဲ့ အခန်းထဲကနေ ခုလိုမိုးတွေရွာလေတိုင်း ပုန်းအိပ်ရင်း မေမေရဲ့ ခေါ်သံကို ကြားရမှ အပြင်ကို ထွက်လေ့ရှိတာပေါ့။ အခန်းထဲကနေ ထွက်လိုက်တိုင်း ကျနော့်ရွာကလေးရဲ့ အပြင်ဘက်မှာ စိမ်းနေတဲ့ တောင်တန်းတွေကို မြင်လိုက်ရရင် သိပ်ကောင်းမှာပဲလို့ စိတ်ကူးယဉ်ခဲ့ဖူးတယ်။ ကျနော်တို့ ညီအကိုနှစ်ယောက် မန်ကျည်းရွက်ခူး […]

‘အိုဘယ့်ဆရာသခင်’ ညီလင်းအိမ် ဇာတ်လမ်းအမည်ကိုက ဘုရားနဲ့တဂိုဏ်းတည်းထားရတယ်ဆိုတဲ့ ဆရာသခင် အမည်ပေါ့ဗျာ။ ဟုတ်လည်းဟုတ်ပါတယ်။ ဒီထဲက ဆရာသခင်ကလည်း ဘုရားနဲ့တဂိုဏ်းတည်းထားရမယ်ဆိုလည်း ထားသင့်တဲ့ ခေတ်သစ်ဆရာတဆူဆိုလည်း မှားမယ်မထင်ဘူးပေါ့။ ကျွန်တော်တို့တွေရဲ့ဘဝတွေမှာ မတူညီတဲ့ အဆင်မပြေတဲ့ စိတ်ပိုင်းဆိုင်ရာ ရုပ်ပိုင်းဆရာအခက်အခဲတွေ အများကြီး ရှိကြပါတယ်။ ဒါတွေအဆင်ပြေဖို့အတွက်လည်း နည်းလမ်းအမျိုးမျိုးနဲ့ ဖြေရှင်းလေ့ရှိကြပါတယ်။ ဘာသာတရားတခုခုကို ကိုးကွယ်ယုံကြည်တယ်ဆိုတာကလည်း အချုပ်အားဖြင့်ဆိုရရင် လူသားဘဝတလျှောက်မှာ ပြုခဲ့တဲ့ အကောင်းအဆိုး အကျိုးအပြစ်တွေအတွက် အနှစ်ချုပ် မှီခိုအားထားဖို့အတွက်ပဲ ကိုးကွယ်ယုံကြည်နေရတာ မဟုတ်လား။ ဒီထဲမှာ […]

‘ကစားပွဲများ’ ညီလင်းအိမ် ဒီရုပ်ရှင်ကနေပဲ ဆမ်ဒလာရဲ့ ထာဝရအမိုက်ဆုံး ဇာတ်ကောင်ကို မြင်ရတော့ တခြား သူလို ဇာတ်ရုပ်တွေကိုလည်း သတိရမိသွားတယ်။ ပထမ‌ဆုံးက Mean Streets ထဲက ဒီနိရို ဇာတ်ဆောင်။ သူကလည်း ဆမ်ဒလာ ဇာတ်ရုပ်လို အကြွေးဗလပွနဲ့ကောင်။ ဘဝမှာ ဘာအပူအပင်မှာ မထား၊ ပေါ့ပေ့ါနေ‌ ပေါ့ပေါ့စား။ စကားပြောကလည်း ဂျစ်တိဂျစ်ပေါက်။ နိုင်လွန်မင်းကျင့်က လုပ်ချင်သေးတယ်။ အဲဒီလိုလူမျိုးနဲ့ ထိတွေ့ပတ်သက်ရသူတွေအဖို့တော့ တကယ့် ဝဋ်နာကံနာပဲ။ သူများပိုက်ဆံကချေးထားသေးတယ်။ […]

‘စတာလင်သေဆုံးခြင်း’ ညီလင်းအိမ် ကမ္ဘာကို ကစဉ့်ကလျား ဖြစ်အောင် လုပ်ခဲ့ကြတဲ့ အာဏာရှင်တွေ အကြောင်းကို ပြောမိကြတိုင်း ရုပ်ရှင်ကားနှစ်ကားကို သတိရမိပါတယ်။ ရုပ်ရှင်ဇာတ်ကြောင်းတွေက နာဇီအစွန်းရောက် အာဏာရှင် ဟစ်တလာနဲ့ ရုရှားက စတာလင်တို့ ဘဝပုံရိပ်ကို ပြန်ပြောင်းအခြေခံထားတာပါ။ နှစ်ကားစလုံးက သူတို့တွေကို သရော်ထားတဲ့ ရုပ်ရှင်တွေ ဖြစ်ပါတယ်။ ဟစ်တလာကို အခြေခံထားတဲ့ ရုပ်ရှင်ကတော့ Time Travel ပုံစံမျိုးနဲ့ ဒီဘက်ခေတ်မှာ ပြန်လည် အသက်ဝင်လာတဲ့ ဟစ်တလာကြီး အဖြစ် […]

‘ခေတ်သစ် မပဋာစာရီ’ ညီလင်းအိမ် ဗုဒ္ဓစာပေနိပါတ်တော်တွေထဲမှာ ဖတ်ဖူးခဲ့ရတဲ့ မပဋာစာရီရဲ့ အကြောင်းကို လူအများစုသိကြမယ်ထင်ပါတယ်။ အင်မတန်မှသနားစရာကောင်းတဲ့ ဖြစ်ရပ်ဆိုတော့ ခေတ်အဆက်ဆက် ဇာတ်ထုပ်တွေ၊ ရာဇဝင်ရုပ်ရှင်တွေအဖြစ်လည်း အသက်သွင်း တင်ဆက်ခဲ့ကြရတယ်။ ဒီရုပ်ရှင်ဟာလည်း ခေတ်သစ်မပဋာစာရီ ဇာတ်ထုပ်အဖြစ်ပဲ တင်စားရမလား မသိပါဘူး။ ယခုဇာတ်လမ်းရဲ့မြစ်ဖျားခံရာက ကမ္ဘာ့အရှေ့အလယ်ရပ်ဝန်းက ဒေသတခုကို အခြေခံထားတာဖြစ်ပါတယ်။ လက်ဘနွန်ဘက်က ဒေသတွေလို့ဆိုရမှာပေါ့။ (ထိလွယ်ရှလွယ်အရေးတွေပါတာမို့ ဒါရိုက်တာဟာ အတိအကျ ဖော်ပြထားခြင်းမဟုတ်တာလည်း ဖြစ်နိုင်ပါတယ်)။ ဇာတ်လမ်းရဲ့ အဓိက ပင်မ ဇာတ်ဆောင်က […]

‘ရှင်သန်ရခြင်းများ’ ညီလင်းအိမ် ရှင်သန်ရဖို့ ဖြစ်လာမှတော့ သေဆုံးရဖို့အတွက်လည်း ရှောင်ပုန်းလို့ မဖြစ်နိုင်ဘူး။ မသေကြသေးတဲ့ ကျ​နော်တို့တွေအတွက် ကိုယ့်ရှေ့က အရင်ထွက်ခွာကြရသူတွေရဲ့ သေလမ်းခရီးကို မြင်ကြရတဲ့အခါ ပျော်ရွှင်ကြည်နူးရင်း ဝိညာဉ် စွန့်ခွာသွားတာကို တွေ့ဖူးကြရဲ့လား။ ဒီတော့ သေခြင်းတရားက လှသလား။ အိုင်အက်စ်တွေ ရှေ့မှာ ဒူးထောက်ထားရ လက်နှစ်ဖက်ကို လက်ပြန်ကြိုးတုပ်ခံထားရရင်း သူ့လည်ကို လာပြီး လှီးဖြတ်မယ့် အချိန်ကို စောင့်ဆိုင်းနေရသူ အတွေးမှာ ဘာတွေ ဖြစ်မလဲ။ ရုပ်ရှင်ထဲကလိုပဲ သေခါနီးမှ […]

‘Beyto (2020)’ ထွင် ဘေတို့လိုအဖြစ်မျိုး နိုင်ငံတိုင်းဆီမှာရှိကြတဲ့ LGBT တွေ ကြုံတွေ့ခဲ့ကြရမှာပါ။ (လူသားချင်း စာနာထောက်ထားစိတ် အပြည့်အဝ ရှိသွားပြီဖြစ်တဲ့ နိုင်ငံတွေမှာတော့ ကြုံရမှာ မဟုတ်တော့ဘူး) အရင်ကလည်း ကြုံခဲ့မယ်၊ အခုလည်း ကြုံနေတယ်၊ နောင်လည်း ကြုံနေရဦးမှာပါပဲ။ ကြုံနေရမှာကတော့ လူသားချင်း စာနာထောက်ထားစိတ် မရှိသေးသရွေ့ပေါ့။ LGBT လူစားတွေဟာ နိုင်ငံတိုင်းမှာရှိပါတယ်။ LGBT စိတ်ဟာ နိုင်ငံမရွေးဘူး ရှိနေမယ်။ နိုင်ငံမရွေးသလို လူတန်းစားလည်း မရွေးဘူး […]