Editorial

-၂၀၂၄ ​သြဂုတ် ၂၃ သောကြာနေ့ – မနက်ခင်းအတွေး ခုမနက်ပိုင်းတွေမှာ နေရောင်က နွေးထွေးတောက်ပနေသည်။ ခြံထဲဆင်းလိုက်တော့ ဝင်လာသည့်လေက အေးမြမြ။ မြက်ခင်းတွေကတော့ အရင်ရက်တွေက ရွာထားသည့်မိုးကြောင့် စိုဝပ်နေသေးဆဲ။ ပျိုးထားသည့် စားပင်သီးပင်လေးတွေက အိုးခွဲအိမ်ခွဲဖြစ်ကုန်ကြပြီ။ တက်စရာကျောင်းပျောက်နေသည့် ပန်းပွင့်လေးတွေကတော့ အပင်ကိုင်းခက်တွေပေါ်ကနေ မြက်ရိုင်းခင်းလေးပေါ် တပွင့်ပြီးတပွင့် ခုန်ဆင်းချလာကြသည်။ သစ်ရွက်သေတချို့နဲ့ အတူပေါ့လေ။ စတင်ကတည်းက မှားခဲ့သည့်ကိစ္စမျိုးဆိုတာ လမ်းခုလပ်မှာလည်း ဆက်မှားနေမှာဖြစ်သလို လမ်းဆုံးမှာလည်း မှန်သွားစရာအကြောင်းမှ မရှိဘဲ။ ရည်ရွည်ချက်မှားလျှင် […]

-၂၀၂၄ ​သြဂုတ် ၂၂ ကြာသပတေးနေ့ – မနက်ခင်းအတွေး ရှေ့တခေါ်ဆိုရောက်ပြီ၊ ရှေ့တကွေ့ဆိုရောက်ပြီနဲ့ မတ်စောက်တဲ့တောင်တက်လမ်းကို တရွေ့ရွေ့လှမ်းခဲ့ကြရတဲ့ ဘုရားဖူးခရီးတွေ သတိရကြမှာပါ။ တခါတလေ အကွေ့တခုမှာ စေတီဆီက ဆည်းလည်းသံလေးကို ကြားလိုက်ရသလိုလို၊ ဟိုးအဝေးက ပြိုးပြက်ရွှေရောင်ကို လှမ်းတွေ့လိုက်ရသလိုလိုတောင် ဖြစ်မိကြသေး။ ကလေးတွေကတော့ နောက်ကလူကြီးတွေ မျက်ခြေပြတ်သွားတဲ့အထိ ရှေ့ကနေ အပြေးကလေးတက်သွားကြလေရဲ့။ တယောက်ကိုတယောက်စောင့်ခေါ်ရင်း ဖေးကူရင်း အမောပြေအားပေးစကားပြောရင်း ဘုရားကိုဖူးမျှော်ချင်စိတ်နဲ့ လှမ်းခဲ့ကြ ရောက်ခဲ့ကြရတာပဲမဟုတ်လား။ အရေးကြီးတာက ဘုရားဖူးဖို့လာတာ နောက်တတောင်တက်ဖို့ကျန်သေးတယ်ဆိုတာနဲ့ပဲ […]

-၂၀၂၄ ​သြဂုတ် ၂၁ ဗုဒ္ဓဟူးနေ့ – ■ မနက်ခင်းအတွေး ကလေးဘဝက အပြစ်ကင်းတယ်လို့ လူတွေပြောလေ့ရှိတယ်။ ဒီအဓိပ္ပါယ်အရ လူဟာ မွေးတုန်းက ဘယ်လိုပြစ်မှုမှ ပါမလာဘူးဆိုတာ သိပ်သေချာခဲ့ပါတယ်။ အမိဝမ်းကကျွတ်တဲ့အချိန်မှာ သူ့ဆီကထွက်လာတဲ့ ငိုသံလေးဟာ နာကျင်မှုဝေဒနာထဲမှာ ရုန်းကန်နေရတဲ့ မိခင်ဖြစ်သူကို အင်အားပြည့်လန်းဆန်းစေခဲ့ပါတယ်။ ဒါဟာ လူ့လောကကြီးအပေါ် သူပထမဆုံးပြုလုပ်ပေးလိုက်တဲ့ ကောင်းမှုလို့ ဆိုရပါမယ်။ တကယ်တော့ ဘယ်သူမဆို လူ့ဘဝမှာ ကောင်းမှုနဲ့စခဲ့ကြသူချည်းပါပဲ။ ဒါပေမဲ့ လောကကြီးကတော့ အသစ်မွေးလာတဲ့လူတယောက်ကို […]

-၂၀၂၄ ​သြဂုတ် ၂၀ အင်္ဂါနေ့ – ■ မနက်ခင်းအတွေး ပြည်တွင်းစစ်မီးတောက်နေတဲ့နိုင်ငံမှာ နေ့တိုင်း တိုက်ပွဲသတင်းတွေ ကြားနေရမှာပါပဲ။ ရွာတွေဗုံးကြဲခံရတာ၊ အိမ်တွေမီးတိုက်ခံရတာ၊ လူတွေသေကြတာစသဖြင့် အနိဌာရုံတွေပေါ့လေ။ နှစ်ရှည်လများ ဒီလိုအခြေအနေကြီးထဲ ဒီလိုသတင်းတွေထဲ နေထိုင်နေကြရတဲ့သူတွေ ပုံမှန်ဆို ရူးသွားလောက်တယ်။ ဒါပေမဲ့ ဒါငါတို့ဘဝတွေကို ပြောင်းလဲပစ်မယ့် တော်လှန်စစ်ဟေ့၊ ငါတို့နိုင်အောင်တိုက်ရမယ့် ပြည်သူ့စစ်ပွဲဟေ့ဆိုတဲ့တချက်နဲ့ အားလုံးဝိုင်းဝန်း အားပေးကူညီ တောင့်ခံနေခဲ့ကြတာဖြစ်ပါတယ်။ ယတိပြတ်ချထားတဲ့ ပြည်သူတွေရဲ့သံဓိဌာန်ဟာ ဒီစစ်ပွဲကို ဆုံးဖြတ်တာပါပဲ။ အပြင်ကစစ်ပွဲတွေက […]

-၂၀၂၄ ​သြဂုတ် ၁၉ တနင်္လာနေ့ – ■ မနက်ခင်းအတွေး မနေ့က အတွေးကလေး အရေးကလေးတခုဖတ်ရတယ်။ ကားထဲထည့်ဖို့ ဆီမရှိတဲ့သူနဲ့ စားဖို့ဆီ မရှိတဲ့သူ ဒုက္ခကအတူတူပဲလား တဲ့။ သူ့ဒုက္ခနဲ့သူပေါ့လေ။ အရပ်ထဲပြောဘူးသလို သူဌေးသင်္ဘောမှောက်တာနဲ့ သူတောင်းစားခွက်ပျောက်တာ ၂ ယောက်စလုံးအတွက်တော့ ဘဝနဲ့ချီ ထိခိုက်ကြရတာပဲမဟုတ်လား။ မနက်စောစော အသိတယောက်က လှမ်းသတင်းမေးတယ်။ အဆင်ပြေရဲ့လားတဲ့။ ကျေးဇူးတင်ပါတယ်လို့ပဲ ပြန်ပြောမိတယ်။ အခုလိုခေတ်ကြီးမှာ အဆင်မပြေဘူးလို့လည်း ကိုယ့်ကျမှ မညည်းပြချင်ဘူး။ အခုလိုခေတ်ကြီးမှာ […]

-၂၀၂၄ ​သြဂုတ် ၁၆ သောကြာနေ့ – ■ မနက်ခင်းအတွေး ဥဒေတယံပဲ ရွတ်ရွတ်၊ ပရိတ်ကြီး ၁၁ သုတ်ပဲရွတ်ရွတ်၊ ဓာရဏပရိတ်နဲ့ ရှိရှိသမျှ ဝေနေယျတွေကို မေတ္တာသုတ်ရွတ်ပြီး အမျှပဲဝေဝေ ဒီစစ်အကြမ်းဖက်အုပ်စုရဲ့အသိဉာဏ်မှာ အာဏာလောဘ မောဟတိမ်သလ္လာတွေဖုံးနေသမျှ ဒီနိုင်ငံကြီးရဲ့မနက်ခင်းတွေဟာ ကြည်လင်လန်းဆန်းလာစရာမရှိပါဘူး။ ဘာသာရေးကို ကိုယ့်နိုင်ငံရေးအလိုလောဘအတွက် စဉ်ဆက်မပြတ်အသုံးချလာတဲ့ ဒီလူ့အဖွဲ့အစည်းရဲ့ ချယ်လှယ်သူတွေဟာ ငရဲနဲ့ နိဗ္ဗာန်လည်း သူတို့အတွက် ဘာမှသိပ်မထူးသလို ဖြစ်လာတယ်။ ဒီဘဝနိဗ္ဗာန်အတွက် သံသရာငရဲကို သူတို့ […]

-၂၀၂၄ ​သြဂုတ် ၁၅ ကြာသပ​တေးနေ့ – ■ မနက်ခင်းအတွေး စောစောစီးစီးတိမ်ထူတဲ့နေမို့ မနက်ခင်းနေရောင်က ရဲရဲတင်းတင်း ရောက်မလာနိုင်သေး။ ညကမိုးကြောင့် ဝန်းကျင်တခုလုံးက စိုစွတ်နေသည်။ နေရာသစ်ရဲ့ အစဦးနေ့များပဲဆိုပါစို့။ သိပ်တော့လည်း မထူးဆန်းတော့ပါ။ ဒီလိုပဲ နေရာတွေ တနေရာပြီးတနေရာ ပြောင်းခဲ့ကြရတာပဲမဟုတ်လား။ ကြာတော့ နေရာဟောင်းတွေအပေါ် တွယ်မက်စိတ်ပင် မရှိသလောက်ဖြစ်လာခဲ့သည်။ နေရာဆိုတာ နေထိုင်ဖို့၊ ခိုနားဖို့၊ အလုပ်လုပ်ဖို့ ဒါအတွက်ပဲလေ။ ပိုင်ဆိုင်ဖို့ တွယ်ငြိဖို့ စွဲလန်းနေဖို့မှမဟုတ်ဘဲ။ သို့တိုင် […]

-၂၀၂၄ ​သြဂုတ် ၁၄ ​ဗုဒ္ဓဟူးနေ့ – ■ မနက်ခင်းအတွေး လွန်ခဲ့တဲ့ ၃ နှစ်ကျော် အချိန်တချိန်တုန်းကတော့ မဟုတ်ပါစေနဲ့၊ တကယ်မဖြစ်ပါစေနဲ့ ဆုတောင်းမျှော်လင့်နေတဲ့ကြားကပဲ ကောင်းကင်ကြီးပြိုကျသလို ကျီးတွေဝုန်းကနဲပြိုကျခဲ့တာ နာနာကျင်ကျင် ကြုံလိုက်ကြရတယ်။ မကောင်းတာဆိုရင်တော့ ဒဲ့ကြီးကို မှန်တော့တာပဲ။ လောကကြီးက မတရားဘူးလို့ ပြောရမလား။ တကယ်တော့ ကောလဟလ ကောလဟလ ဆိုပြီး မှန်ခဲ့တာတွေလည်း ရှိဘူးခဲ့ပါတယ်။ ကောင်းတာကော မကောင်းတာကော၊ မျှော်လင့်တာကော မမျှော်လင့်တာကောပေါ့။ ဘာတခုမှ […]

-၂၀၂၄ ​သြဂုတ် ၁၃ ​အင်္ဂါနေ့ – ■ မနက်ခင်းအတွေး ဗုံးဒဏ်ကြောင့် အရုပ်ကလေးတွေလို ပြိုကျသွားတဲ့ တိုက်မြင့်ကြီးတွေကိုကြည့်ရင်း လူ့အဖြစ်ရဲ့ခိုင်မာမှုဆိုတာ အဆောက်အဦတွေ ရုပ်ဝတ္ထုပစ္စည်းတွေနဲ့ တည်ဆောက်ထားလို့ မရနိုင်ဘူးဆိုတာ သွားမြင်တယ်။ တည်ဆောက်သူဆိုတာရှိသလို ဖျက်ဆီးသူဆိုတာရှိတယ်။ တည်ဆောက်တဲ့အတတ်ပညာတွေတိုးတက်လာသလို ဖျက်ဆီးတဲ့နည်းပညာတွေကလည်း မြင့်မားလာတယ်။ ဒါတွေအားလုံးရဲ့လက်သည်ဟာလည်း လူပဲ။ လူဆိုတာ အရေပြားလေးနဲ့ထုပ်ပိုးထားတဲ့ အသွေးအသားအစိုင်အခဲမျှသာမဟုတ်လား။ အဲဒီအသွေးအသားတွေထဲမှာ နှလုံးသားဆိုတာ ပါလာတယ်။ ဦးနှောက်ဆိုတာ ပါလာတယ်။ နာကျင်မှုနဲ့ သာယာမှုဆိုတာ ပါလာတယ်။ […]

-၂၀၂၄ ​သြဂုတ် ၁၂ ​တနင်္လာနေ့ – ■ မနက်ခင်းအတွေး ကုန်းမြင့်သာပေါ်မှာ ပါတီဌာနချုပ်ရုံးကြီးကို ဟီးနေအောင်လည်း ဆောက်ပြီးရော နိုင်ငံတော်၏တခုတည်းသော ဦးဆောင်ပါတီဖြစ်ရမည်လို့ အတိအလင်းပြဌာန်းထားတဲ့ ပါတီဝင် ၁၀ သန်းကျော်ရှိပါတယ်ဆိုတဲ့ ပါတီကြီးဟာ ဘုန်းဘုန်းလဲကျသွားတော့တာပဲ။ ပါတီဝင်ကဒ်ပြားတွေ ပြည်သူ့ထံအလုအယက်အပ်ကြ၊ ဘက်ပြောင်းကြ၊ သာကူးကြ။ တိုင်းပြည်ရဲ့ဦးနှောက်လို့ပြောနိုင်တဲ့ ပါတီသုတေသနဌာနကြီးက စာအုပ်စာတန်းတွေလည်း လမ်းဘေးအဟောင်းဆိုင်တွေပေါ်ရောက်လိုရောက်ပေါ့။ ပျက်စီးချိန်တန်တဲ့အခါ မျက်စိရှေ့မှာပဲ တဝေါဝေါပြိုကျသွားခဲ့ကြတာတွေ သမိုင်းမှာ မျက်မြင်ကိုယ်တွေ့။ တကယ်တော့ အစိုးရတရပ် ပြုတ်ကျသွားတယ်ဆိုတာ […]