“စစ်ရေးစစ်ရာ တပတ်တာ (၂၅)”
■ နောင်လူသစ်
– ဇန်နဝါရီလ (၁၁) ရက်နေ့မှ ဇန်နဝါရီလ (၁၈) ရက်နေ့အထိ –
☆ ၂၀၂၅ ခုနှစ် ဇန်နဝါရီလ (၁၁) ရက်နေ့မှ ဇန်နဝါရီလ (၁၈) ရက်နေ့အထိ တပတ်တာအတွင်း မြန်မာနိုင်ငံတဝန်း စစ်ကောင်စီနှင့် တော်လှန်ရေးအင်အားစုများကြား လက်နက်ကိုင်တိုက်ပွဲ ကြီးငယ်ပေါင်း (၅၇) ကြိမ်ထက်မနည်း ဖြစ်ပွားခဲ့သည်။
☆ တပတ်တာအတွင်း စစ်ကောင်စီက အရပ်သားပစ်မှတ်များကို လေကြောင်းတိုက်ခိုက်မှု လက်နက်ကြီးဖြင့် ပစ်ခတ်မှု (၂၃) ကြိမ်ထက်မနည်း ရှိခဲ့သည်။
☆ တပတ်တာအတွင်း စစ်ကောင်စီ၏ လေကြောင်းတိုက်ခိုက်မှု လက်နက်ကြီးဖြင့် တိုက်ခိုက်မှုများကြောင့် အရပ်သားပြည်သူ (၄၄) ဦးထက်မနည်း သေဆုံးခဲ့ရသည်။
☆ တပတ်တာအတွင်း နိုင်ငံတဝန်းရှိ ပြည်နယ်နှင့် တိုင်းဒေသ (၁၁) ခုတွင် တိုက်ပွဲများဖြစ်ပွားခဲ့ပြီး မြို့နယ်အားဖြင့် (၂၃) မြို့နယ်အထိ ရှိသည်။ ရခိုင်ပြည်နယ်၊ ဂွမြို့နှင့် ထိစပ်နေသည့် ဧရာ၀တီတိုင်းဒေသအတွင်း ရွှေသောင်ယံမြို့နယ် အတွင်းရှိ ကျေးရွာများ၌ တိုက်ပွဲများ ပြင်းထန်လာသည်။
☆ ရခိုင်ပြည်နယ် အမ်းမြို့နှင့် ထိစပ်နေသည့် မကွေးတိုင်းအတွင်း၌လည်း တိုက်ပွဲများ ဖြစ်ပွားခဲ့ပြီး အမ်းမြို့မှ ထွက်ပြေးလာသည့် စစ်ကောင်စီတပ်သားများကို တော်လှန်ရေးအင်အားစုများက ဖမ်းဆီးနိုင်ခဲ့သည်။
☆ စစ်ကိုင်း၊ မကွေး၊ မန္တလေး၊ ပဲခူးတိုင်းတို့တွင် တိုက်ပွဲပေါင်း (၂၇) ကြိမ်ထက်မနည်း ဖြစ်ပွားခဲ့သည်။
☆ သတင်းထုတ်ပြန်မှုများအရ တပတ်တာအတွင်း နိုင်ငံတဝန်း တော်လှန်ရေးအင်အားစုများ၏ တိုက်ခိုက်မှုကြောင့် စစ်ကောင်စီတပ်သား ထိခိုက်ကျဆုံးမှု (၁၃၇) ဦးထက်မနည်း ရှိခဲ့သည်။
☆ မွန်ပြည်နယ်၊ ရေးမြို့နယ် ကျုံလောင်းရွာအနီး၌ စစ်ကောင်စီနှင့် တော်လှန်ရေး ပူးပေါင်းတပ်များကြား လေးရက်ကြာ တိုက်ပွဲဖြစ်ပွားခဲ့ပြီး စစ်ကောင်စီတပ်ဖွဲ့ဝင် အယောက် ၇၀ ထက်မနည်း သေဆုံးခဲ့ကြောင်း NUG က ထုတ်ပြန်ထားသည်။
☆ နိုင်ငံတဝန်းဖြစ်ပွားခဲ့သည့် တိုက်ပွဲများအတွင်း စစ်ကောင်စီ တပ်သား (၁၂) ဦးထက်မနည်းကို တော်လှန်ရေးအင်အားစုများက ဖမ်းဆီးနိုင်ခဲ့သည်။
● ဖော်ပြပါ အချက်အလက်များသည် သတင်းမီဒီယာ (၁၀) ခုမှ သတင်းများကို အခြေခံ ကောက်ယူထားခြင်းဖြစ်သည်။ တိုက်ပွဲနှင့် ထိခိုက်ကျဆုံး အရေအတွက်မှာ ဖော်ပြထားသည်ထက် ပိုမို များပြားနိုင်သည်။
● စက်ဝိုင်း အရွယ်အစားသည် တိုက်ပွဲအရေအတွက်ကို ညွှန်းသည်။ စက်ဝိုင်းအရွယ်ကြီးသည်နှင့်အမျှ တိုက်ပွဲအရေအတွက် ပိုများသည်ဟု ဆိုလိုရင်းဖြစ်သည်။
Be the first to comment