“စစ်ရေးစစ်ရာ တပတ်တာ (၃၁)”
■ နောင်လူသစ်
– မတ်လ (၁) ရက်မှ မတ်လ (၈) ရက်အထိ
☆ ၂၀၂၅ ခုနှစ်၊ မတ်လ (၁) ရက်မှ မတ်လ (၈) ရက်နေ့အထိ တပတ်အတွင်း မြန်မာနိုင်ငံတဝန်း စစ်ကောင်စီနှင့် တော်လှန်ရေးအင်အားစုများကြား လက်နက်ကိုင်တိုက်ပွဲ ကြီးငယ်ပေါင်း (၆၁) ကြိမ်ထက်မနည်း ဖြစ်ပွားခဲ့သည်။
☆ တပတ်တာအတွင်း စစ်ကောင်စီက အရပ်သားပစ်မှတ်များကို လေကြောင်းတိုက်ခိုက်မှု လက်နက်ကြီးဖြင့် ပစ်ခတ်မှု (၃၆) ကြိမ်ထက်မနည်း ရှိခဲ့သည်။
☆ တပတ်တာအတွင်း စစ်ကောင်စီ၏ လေကြောင်းတိုက်ခိုက်မှု လက်နက်ကြီးဖြင့် တိုက်ခိုက်မှုများကြောင့် အရပ်သားပြည်သူ (၂၆) ဦးထက်မနည်း သေဆုံးခဲ့ရသည်။
☆ တပတ်တာအတွင်း နိုင်ငံတဝန်းရှိ ပြည်နယ်နှင့် တိုင်းဒေသ ( ၁၂ ) ခုတွင် တိုက်ပွဲများဖြစ်ပွားခဲ့ပြီး မြို့နယ်အားဖြင့် (၃၁) မြို့နယ်အထိရှိသည်။
☆ ကရင်ပြည်နယ်နှင့် ပဲခူးတိုင်းတို့တွင် ကရင်အမျိုးသားလွတ်မြောက်ရေးတပ်မတော် (KNLA) ပူးပေါင်းတပ်ဖွဲ့များနှင့် စစ်ကောင်စီတပ်များကြား နေ့စဉ်နီးပါး တိုက်ပွဲများဖြစ်ပွားခဲ့သည်။
☆ ရခိုင်ပြည်နယ်နှင့် ထိစပ်နေသည့် ဧရာ၀တီတိုင်းအတွင်းရှိ သာပေါင်းမြို့နယ်တွင် အာရက္ခတပ်တော် (အေအေ) ပူးပေါင်းတပ်များနှင့် စစ်ကောင်စီတပ်များကြား ယခုသီတင်းပတ်အတွင်း တိုက်ပွဲများ ဖြစ်ပွားလာခဲ့သည်။
☆ ရှမ်းပြည်နယ်မြောက်ပိုင်း၊ နောင်ချိုမြို့နယ်၊ အမြောက်တပ်များရှိသော တောင်းခမ်းရွာ၌ တအာင်းတပ်မတော် (TNLA)၊ ဓနုပြည်သူ့လွတ်မြောက်ရေးတပ်တော် (DPLA) အပါအဝင် ပူးပေါင်းတပ်များနှင့် စစ်ကောင်စီတပ်များကြား တိုက်ပွဲများပြင်းထန်ခဲ့သည်။
☆ ရခိုင်ပြည်နယ်အတွင်းရှိ စစ်တွေ၊ ကျောက်ဖြူတို့တွင်လည်း အာရက္ခတပ်တော် (အေအေ) နှင့် စစ်ကောင်စီတပ်များကြား တိုက်ပွဲများပြင်းထန်ခဲ့သည်။
☆ စစ်ကိုင်း၊ မကွေး၊ မန္တလေး၊ ပဲခူးတိုင်းတို့တွင် တိုက်ပွဲပေါင်း (၂၆ ) ကြိမ်ထက်မနည်း ဖြစ်ပွားခဲ့သည်။
☆ သတင်းထုတ်ပြန်မှုများအရ တပတ်တာအတွင်း နိုင်ငံတဝန်း တော်လှန်ရေးအင်အားစုများ၏ တိုက်ခိုက်မှုကြောင့် စစ်ကောင်စီတပ်သား ထိခိုက်ကျဆုံးမှု (၇၃) ဦးထက်မနည်း ရှိခဲ့သည်။
● ဖော်ပြပါ အချက်အလက်များသည် သတင်းမီဒီယာ (၁၀) ခုမှ သတင်းများကို အခြေခံ ကောက်ယူထားခြင်းဖြစ်သည်။ တိုက်ပွဲနှင့် ထိခိုက်ကျဆုံး အရေအတွက်မှာ ဖော်ပြထားသည်ထက် ပိုမို များပြားနိုင်သည်။
● စက်ဝိုင်းအရွယ်အစားသည် တိုက်ပွဲအရေအတွက်ကို ညွှန်းသည်။ စက်ဝိုင်းအရွယ် ကြီးသည်နှင့်အမျှ တိုက်ပွဲအရေအတွက် ပိုများသည်ဟု ဆိုလိုရင်းဖြစ်သည်။
Be the first to comment