နေဘုန်းလတ်
မိုးပေါ်က ပြုတ်ကျလာတဲ့
ဒုက္ခတွေ မဝေးသေးခင်
ခပ်ကြမ်းကြမ်းရေစီးနဲ့ ရောပါလာတဲ့
ဒုက္ခတွေ ထပ်ပိုက်ထွေးကြရ
ဘုရားသခင်က
လှေတစီးလွှတ်လိုက်မှာလား
ဟယ်လီကော်ပတာလွှတ်လိုက်မှာလား
ဒါမှမဟုတ်
ဒီအတိုင်းပဲ လက်ပိုက်ကြည့်နေမလား
အဲဒီ့မသေချာမှုတွေကိုပဲ …
အိမ်ထုတ်တမ်းပေါ်ကနေမျှော်
သစ်ပင်ပေါ်ကနေအော်
အိမ်ခေါင်မိုးပေါ်ကနေခေါ်
အသံတွေ … အသံတွေ …
ကူပါ ကယ်ပါ တဲ့
ဒါပေမယ့် … အခုထက်ထိ
ကူရာ ကယ်ရာ မဲ့ …။ ။
"The Call - ခေါ်သံ" အွန်လိုင်းမဂ္ဂဇင်းသည် မြန်မာ့နွေဦးတော်လှန်ရေးဘက်တွင် အခိုင်အမာရပ်တည်သော မဂ္ဂဇင်းတခုဖြစ်သည်။
နွေဦးတော်လှန်ရေးကို အထောက်အပံ့ဖြစ်စေသော၊ နွေဦးတော်လှန်ရေးတွင် နည်းလမ်းအမျိုးမျိုး ပုံသဏ္ဌာန်အမျိုးမျိုးဖြင့် ပါဝင်လှုပ်ရှားနေကြသူအားလုံးအတွက် အတွေးသစ် အမြင်သစ်များရစေပြီး တော်လှန်ရေးလုပ်ငန်းများကို အထောက်အကူဖြစ်စေသော ကဏ္ဍပေါင်းစုံကို ရေးသား၊ တင်ဆက် ထုတ်လွှင့် ဖော်ပြသွားမည်ဖြစ်သည်။
စစ်ကောင်စီ ကျူးလွန်သော စစ်ရာဇဝတ်မှုများ၊ လူ့အခွင့်အရေး ချိုးဖောက်မှုများသာမက ပြည်သူတို့အပေါ် ကျူးလွန်သည့် စစ်ကောင်စီ၏ ရာဇဝတ်မှုတိုင်းအား ဖော်ထုတ်သွားမည် ဖြစ်သည်။
Be the first to comment