■ နောင်လူသစ်
– ဩဂုတ်လ (၁၈) ရက်နေ့မှ ဩဂုတ်လ (၂၄) ရက်နေ့အထိ
☆ ၂၀၂၄ ခုနှစ်၊ ဩဂုတ်လ (၁၈) ရက်နေ့မှ ဩဂုတ်လ (၂၄) ရက်နေ့အထိ မြန်မာနိုင်ငံတဝန်း စစ်ကောင်စီနှင့် တော်လှန်ရေးအင်အားစုများကြား လက်နက်ကိုင်တိုက်ပွဲ ကြီးငယ်ပေါင်း (၆၃) ကြိမ်ထက်မနည်း ဖြစ်ပွားခဲ့သည်။
☆ အဆိုပါတိုက်ပွဲ (၆၃) ကြိမ်တွင် နှစ်ဖက်တိုက်ပွဲဖြစ်ပွားခြင်းမရှိဘဲ စစ်ကောင်စီက တဖက်သတ် လေကြောင်းတိုက်ခိုက်မှု လက်နက်ကြီးဖြင့် ပစ်ခတ်မှု အကြိမ် (၁၇)ကြိမ်ထက်မနည်း ပါဝင်သည်။
☆ နိုင်ငံတဝန်း စစ်ကောင်စီက လက်နက်ကြီးဖြင့် ပစ်ခတ်တိုက်ခိုက်မှု၊ လေကြောင်းမှ ဗုံးကျဲတိုက်ခိုက်မှုတို့ကြောင့် အရပ်သားသေဆုံးမှုမှာ (၁၈) ဦးထက်မနည်း ရှိခဲ့သည်။
☆ တပတ်တာအတွင်း နိုင်ငံတဝန်းရှိ ပြည်နယ်နှင့် တိုင်းဒေသ (၁၀) ခုတွင် တိုက်ပွဲများဖြစ်ပွားခဲ့ပြီး မြို့နယ်အားဖြင့် (၂၉) မြို့နယ်အထိ ရှိသည်။
☆ ရခိုင်ပြည်နယ် မောင်တောမြို့တွင် တိုက်ပွဲများဆက်လက်ပြင်းထန်နေပြီး ရခိုင်ပြည်နယ် ဂွမြို့နယ်တွင်လည်း AA ထိုးစစ်များရောက်ရှိလာပြီး ကျိန္တလီ မြို့သိမ်းတိုက်ပွဲ ပြင်းထန်လျက်ရှိသည်။ AA ထိန်းချုပ်ထားသည့် ကျိန္တလီမြို့ အနီးဝန်းကျင်တဝိုက်ကို စစ်ကောင်စီကြည်းတပ်နှင့် ရေတပ်တို့ အပြင်းအထန် တိုက်ခိုက်လျက်ရှိသည်။
☆ မန္တလေးတိုင်းဒေသအတွင်း မြင်းခြံခရိုင်စစ်ဆင်ရေးဆက်လက်ဖေါ်ဆောင်နေပြီး နွားထိုးကြီး၊ မြင်းခြံ၊ တောင်သာတို့တွင် တိုက်ပွဲများဖြစ်ပွားလျက်ရှိသည်။
☆ ရှမ်းပြည်နယ်မြောက်ပိုင်း နောင်ချို၊ ကျောက်မဲ၊ သီပေါဒေသတို့တွင်လည်း တိုက်ပွဲများ နေ့စဉ် ဖြစ်ပွားလျက်ရှိသည်။
☆ စစ်ကိုင်း၊ မကွေး၊ မန္တလေး၊ ပဲခူးတိုင်းတို့တွင် တိုက်ပွဲပေါင်း (၅၀) ကြိမ်ထက်မနည်း ဖြစ်ပွားခဲ့သည်။
☆ သတင်းထုတ်ပြန်မှုများအရ တပတ်တာအတွင်း နိုင်ငံတဝန်း တော်လှန်ရေးအင်အားစုများ၏ တိုက်ခိုက်မှုကြောင့် စစ်ကောင်စီတပ်သား ထိခိုက်ကျဆုံးမှုသည် (၆၁) ယောက်ထက်မနည်း ရှိခဲ့သည်။
☆ နိုင်ငံတဝန်း တော်လှန်ရေးအင်အားစုများဘက်က စစ်ကောင်စီ တပ်စခန်းကြီးငယ်ပေါင်း (၁၀) ခုထက်မနည်းကို သိမ်းပိုက်နိုင်ခဲ့သည်။
● ဖော်ပြပါ အချက်အလက်များသည် သတင်းမီဒီယာ (၁၀) ခုမှ သတင်းများကို အခြေခံ ကောက်ယူထားခြင်းဖြစ်သည်။ တိုက်ပွဲနှင့် ထိခိုက်ကျဆုံး အရေအတွက်မှာ ဖော်ပြထားသည်ထက် ပိုမို များပြားနိုင်သည်။
● စက်ဝိုင်း အရွယ်အစားသည် တိုက်ပွဲအရေအတွက်ကို ညွှန်းသည်။ စက်ဝိုင်းအရွယ် ကြီးသည်နှင့်အမျှ တိုက်ပွဲအရေအတွက် ပိုများသည်ဟု ဆိုလိုရင်းဖြစ်သည်။
Be the first to comment