Month: April 2025

“ပေါင်းစုတိုက်ပွဲ ဆင်နွှဲကြလော့” အယ်ဒီတာ့စကား ခူးပါနဲ့ကွယ်၊ ပွင့်ဖူးမှာအဝါခြယ်၍ မာလာအလယ်မှာနွှဲချင်တဲ့နှလုံးရယ်ကြောင့် နှစ်ဆုံးအကုန် အတာဝင်သို့ မာန်အင်ကို ဥာဏ်ဆင်မွေးကာပါ့ အရေးအခါသာမှ ခမျာမှာတဂုဏ်ဆန်းရတယ် ပန်းပိတောက်များ။ ။ အမျိုးသားစာဆိုတော် ဆရာဇော်ဂျီ၏ ပိတောက်ပန်း ဟူသော ခေတ်ဆန်းကဗျာဖြစ်သည်။ နှစ်ဟောင်းကုန်ဆုံး၍ နှစ်သစ်အတာကူးတော့မည့်အခါသမယတွင် ပိတောက်ပန်းတို့ လန်းတင့် ဖူးပွင့်လာကြသည်။ ပိတောက်သည် နွေ၏အဆောင်အယောင်ဖြစ်သည်။ နွေ၏ဇာတ်ကောင်ဖြစ်သည်။ သို့ဖြစ်ရာ သူ့အလှသူ့အစွမ်းကို အားကုန်ပြု၍ သင်္ကြန်အတာကိုတော့ သူကြိုပေလိမ့်မည်။ ပိတောက်ပန်းနှင့် ပိတောက်ရနံ့တို့သည် လောကဓမ္မ၏လက်ဆောင်၊ […]

‘ကျတ်ယောင်ဆောင်သူများ’ နေစူး ထမင်းအိုးပါသလား ဟင်းအိုးပါသလား အဝတ်ထုပ်ပါသလား စောင်၊ ခြင်ထောင်၊ ခေါင်းအုံးပါသလား။ လူအိုပါသလား ကလေးငယ်ပါသလား မိန်းမသားပါသလား လူငယ်လူရွယ်ပါသလား နွားငယ်နဲ့ ခွေးညိုလိုက်ရဲ့လား။ ချောင်းအစပ်ရောက်ပြီလား တို့လယ်ကွင်း ဟုတ်ရဲ့လား ထန်းရွက်ကာ ထန်းရွက်မိုး တို့တဲမျိုး တူရဲ့လား လယ်နားနီး တဲနီးချင်းဆီက ကလေးသံကြားရဲ့လား။

“ငါတို့က လူတွေလေ” Simon လွန်ခဲ့တဲ့တပတ်က ကျနော့်ညီမက အိမ်မှာ သူ့သူငယ်ချင်းတွေနဲ့ အကင်လုပ်စားချင်လို့ အသားနှပ်တဲ့နည်းလေးပေးပါဆိုပြီး တချိန်က စားဖိုမှူးဖြစ်တဲ့ ကျနော့်ကို လှမ်းမေးတယ်။ ကျနော်ကလည်း အလုပ်လေးရှုပ်နေတော့ ငါအလုပ်ပြီးရင် အသားနှပ်နည်း ပို့ပေးလိုက်မယ်လို့ စာပြန်လိုက်တယ်။ ဒီလိုနဲ့ အလုပ်အားလို့ အငယ်မအတွက် အသားနှပ်နည်း ရေးပေးမယ်ဆိုပြီး ရေးမယ်ကြံတော့မှ ခေါင်းထဲမှာ ဘာမှပေါ်မလာဘဲ ၁၀ မိနစ်လောက် စဥ်းစားလိုက်ရတယ်။ တကယ်ဆို မီးဖိုချောင်ဘဝမှာ စားဖိုမှူးအဖြစ်နဲ့ ဆယ်စုနှစ်လောက် လုပ်လာခဲ့တဲ့ […]

“မန္တလေးမြို့ဟာ ပျက်စီးခဲ့ပြီလား” ရွယ်မိုး မန္တလေးက မြို့ပျက်တာတင်မဟုတ်၊ လူမှုအဖွဲ့အစည်းရဲ့ယဥ်ကျေးမှုစံနှုန်းတွေ၊ ရိုးရာဓလေ့ထုံးတမ်းနဲ့ အစဥ်အလာတန်ဖိုးတွေရော ပျက်စီးလုမတတ် ဖြစ်သွားတာလို့ အသိတယောက်က ပြောတယ်။ ကျနော်ကလည်း အဲဒီလို မြင်ထားပါတယ်။ ကိုယ့်ဇာတိချက်ကြွေမြို့ ဆိုပေမယ့် အပျက်အစီးတွေ များတာကြောင့် ဓာတ်ပုံတပုံများ မြင်ရရင် ဒါက ဘယ်နေရာလဲလို့ကို မမှတ်မိနိုင်လောက်အောင်ပါပဲ၊ ဒါပေမယ့် သည့်ထက် ပို စိတ်ထိခိုက်စရာတွေ ရှိပါတယ်။ ဒီနေ့ဆို မန္တလေးမြို့ရဲ့ ရပ်ကွက်တခုမှာ အလှူပစ္စည်းနဲ့ပတ်သက်ပြီး လုကြ ယက်ကြ […]

‘အလှူအိမ်လား’ ရီဗော်တီ သူ့နာမည်က ဒေါ်လုံးတဲ့။ ကျနော်တို့က အမေကြီးလုံးလို့ခေါ်တယ်။ အမေ့ညီမတဦးပေါ့။ အမေကြီးလုံး သင်ပေးထားတဲ့ စည်းကမ်းတခုရှိတယ်။ သင်ပေးထားတယ်ဆိုပေမယ့် ဒါက ဒီလို ဟိုဟာမလုပ်ရ ဒီဟာမလုပ်ရဆိုပြီး နှုတ်တိုက်သင်ပေးတာမျိုးတော့ မဟုတ်ဘူးဗျ။ စကားပြောရင်း ချီးမွမ်းရင်းနဲ့ အမေကြီးလုံးပြောတဲ့စကားကို အတည်ဖြစ်အောင် လိုက်နာကျင့်သုံးရင်းက ဖြစ်တည်ခဲ့တဲ့ စည်းကမ်းလေးတခု အကျင့်လေးတခု ဆိုပါတော့။ အဲဒါက ဘာလဲဆိုရင် ထမင်းဝိုင်းမှာ ဟင်းစားတဲ့အခါ အလိုလောဘမကြီးဘဲ စည်းနဲ့ကမ်းနဲ့ စားတတ်စေတာပါပဲ။ အဲဒီစည်းကမ်းလေး ဘယ်ကနေ […]