Articles by The Call

“ချစ်တီး”ရဲခေါင်မဲမောင်မိတ်ဆွေတယောက်၏ ပန်းချီပြပွဲတခုသို့ မောင်ငြိမ်းအေးရောက်သွားသည်။ ပန်းချီကားပေါင်း ၁၀၀ နီးပါး ပြသထားလေရာ ပန်းချီပြခန်းသည် ပန်းချီပြခန်းနှင့်မတူဘဲ ရောင်စုံပန်းဥယျာဥ်ကလေးနှင့်တူနေသည်။ပန်းချီဆိုလျှင် တွေးရမှဟု သဘောထားရှိသော မောင်ငြိမ်းအေးသည် မိတ်ဆွေဖြစ်သူ၏ Abstract ပန်းချီကားများကို စိန်ပြေနပြေကြည့်ရင်း များစွာကျေနပ်လျက်ရှိသည်။ပန်းချီကားများကိုကြည့်သွားရင်း အချို့ပန်းချီကားကလေးများရှိ အနီရောင်စက်ဝိုင်း အမှတ်အသားကလေးများကို မောင်ငြိမ်းအေး သတိပြုမိလေသည်။ ထိုအနီဝိုင်းကလေးများကပ်ထားသော ပန်းချီကားများမှာ ရောင်းချရသော ပန်းချီကားများဖြစ်ပြီးလျှင် တန်ဖိုးများမှာ အနည်းဆုံးကျပ် ၃ သိန်းမှ အများဆုံးကျပ် ၁၅ သိန်းအထိဖြစ်သောကြောင့် မိတ်ဆွေဖြစ်သူအတွက် […]

“စာအုပ်တန်းမှာလမ်းလျှောက်ခြင်း”စာအုပ်အမည်။ ဥရောပစာပေ (ရှေးခေတ်နှင့် အလယ်ခေတ် ဘီစီ ၅၀၀ နှင့် အေဒီ ၁၅၀၀)ပြုစုသူ။ ခင်မျိုးချစ်မျက်နှာဖုံး။ တင်ဦးထုတ်ဝေ။ မောင်တင်ဦး၊ အရုဏ်ဦးစာပေ၆၆၊ ရန်ပြေ ၁၅ လမ်း၊ ၃ ရပ်ကွက်၊ သာကေတ၊ ရန်ကုန်မှ ထုတ်ဝေ၍ သင့်စာပေ ၆၃၊ ၉၃ လမ်း၊ ရန်ကုန် (ကန်တော်ကလေးစာတိုက်) မှ ဖြန့်ချိသည်။နတ်တော်လဆန်း ၁ ရက်၊ ၁၃၃၂ ခုနိုဝင်ဘာ ၂၉ ရက်၊ […]

“Steins Gate” (2011)သောရီဆိုက်ဆိုက်မြိုက်မြိုက်အမြဲရောက်ရှိခဲ့သောခွဲခွာခြင်းများ။ကိုယ်ကြိုးစားပြီး ပြန်လာကြည့်မယ်နော်။အစကနေပြန်လျှောက်မယ်။ အစကနေပြန်စမယ်။ အဆုံးသတ်ဟာ ခွဲခွာခြင်းလိုင်းတွေပေါ်မှာ အတိအကျရှိနေတယ်။ သိတယ်။ ကိုယ်ပြန်လာခဲ့မယ်။သွေဖီခြင်းများ။ တလက်လက်ထနေတဲ့ အချိန်လိုင်းများ။ ထိချက်ဖွဖွလေးနဲ့တင် အချိန်လိုင်းလေးတွေ ဖွာခနဲ ကွဲသွားတဲ့အခါ မင်းနဲ့ငါခွဲခွာဖို့ ဖြစ်တန်စွမ်းတွေဟာ သိန်းသောင်းချီသတဲ့။ အဲ့ထက်တောင်ပိုဦးမယ်။ ကိုယ်လုပ်နိုင် တာက အဲ့ဒီ့လွဲချော်မှု ဖြစ်တန်စွမ်းတွေကို ရသလောက် ပြန်လည်ပြင်ဆင်ကြည့်ဖို့ပဲ။ပုံစံအမျိုးမျိုး အကြိမ်ကြိမ် သေဆုံးနေတဲ့မင်းကို မြင်နေရတာ ငရဲပဲ။ နောက်တကြိမ်။ နောက်တကြိမ်။ နောက်တကြိမ်။ နောက်တကြိမ်။ ပြီးတော့ […]

“ကြောက်ခြင်း”ရဲခေါင်မဲမောင်ပြီးခဲ့တဲ့ရက်သတ္တပတ်က မောင်ငြိမ်းအေးတို့ ပြည်ကိုသွားကြတယ်။ မောင်ငြိမ်းအေးတို့ဆိုတာ မောင်ငြိမ်းအေးရဲ့ဇနီးနဲ့ ဇနီးရဲ့ အမလင်မယားဖြစ်ပါတယ်။ပြည်အနောက်ဘက်ကမ်း၊ ပန်းတောင်း-တောင်ကုတ်လမ်းဘေး ငါးမျက်နှာဘုရားမရောက်ခင်မှာ သောင်ကြီးဆိုတဲ့ရွာရှိတယ်။ အဲဒီသောင်ကြီးမှာ ဇနီးသည်ရဲ့မောင်အငယ်ဆုံးကလေးနေပါတယ်။ သွားကြတဲ့အကြောင်းက အဲဒီမောင်အငယ်ဆုံးရဲ့သား သူတို့တူ မင်္ဂလာဆောင်ကိုလာဖို့ ဖိတ်တာကြောင့်ပါပဲ။ပထမတော့ မောင်ငြိမ်းအေး လိုက်ဖို့စိတ်ကူးမရှိပါဘူး။ ကျောက်ကပ်ခွဲထားတာကလည်း မကြာသေးတော့ ခရီးဝေးသွားဖို့ မရဲဘူးလေ။ ဒါပေမယ့် ဇနီးသည်ရဲ့အမယောက်ျား လေဖြတ်ထားလို့ လမ်းမလျှောက်နိုင်တဲ့သူကလည်း သူပါလိုက်မယ် အတင်းလုပ်တော့ အလိုလို မောင်ငြိမ်းအေးပါ ပါသွားတာပဲဖြစ်ပါတယ်။မင်္ဂလာဆောင်ကနေ ပြည်ဘက်ကမ်းပြန်ကူးလာပြီး ရွှေဝါမြေကို ခရီးဆက်ကြတယ်။ […]

“စာအုပ်တန်းမှာလမ်းလျှောက်ခြင်း”စာအုပ်အမည်။ အာဇာနည်အသျှင်ဦးဝိစာရပြုစုသူ။ သခင်လွင်မျက်နှာဖုံးပန်းချီ။ ဦးဘရင်လေးထုတ်ဝေ။ ဥဒါန်း (အဟောင်းစံတင် အသစ်ထွင်မည်)နိုင်ငံရေးခွင့်ပြုချက်အမှတ် (၅၁၇)ဥဒါန်းစာစဉ် (၁)၁၉၇၁ ခုနှစ် ဖေဖော်ဝါရီလပထမအကြိမ် အုပ်ရေ လေးထောင်ဥဒါန်းစာပေ။ ၂၀၊ သင်္ဂဟလမ်း၊ ကျောက်မြောင်း၊ ရန်ကုန်မြို့အဖွင့်အမျိုးဘာသာ သာသနာ လွတ်လပ်ရေးကြီးအတွက် ရှေ့ဆောင်တိုက်ပွဲဝင်ခဲ့ကြကုန်သော ဆရာတော်ဦးဥတ္တမ၊ အသျှင်ဦးဝိစာရနှင့် မန္တလေး ဦးစန္ဒိမာအမှူးပြုသည့် သံဃာတော်အသျှင်မြတ်အပေါင်းတို့အား အမှတ်တရ ဤစာအုပ်ဖြင့် ပူဇော်ကန်တော့ပါ၏။– သခင်လွင်၁၃၃၂ ခုနှစ် တော်သလင်းလဆုတ် ၂ ရက်အထောက်အထားပြုသောစာအုပ်စာတမ်းများ၁။ ဝံသာနုသတင်းစာဟောင်းများ၂။ မီးဒုတ်ဂျာနယ်ဟောင်းများ၃။ […]

“မြိုင်”ဘဘဝ“ရမ်းစတိန်း အစည်းအဝေးက အဓိကပေးမယ့်သတင်းစကားကတော့ လက်နက်အကြီးစားတွေ ခေတ်ပိုမီတဲ့ လက်နက်တွေ ထောက်ပံ့ဖို့ပဲပေါ့၊ ဒီစစ်ပွဲဟာ ငါတို့ရဲ့ဂုဏ်သိက္ခာတန်ဖိုးအတွက် တိုက်နေတဲ့ပွဲတပွဲဖြစ်လို့ပဲ” လို့ Jens Stoltenberg ရဲ့ဒါဗို့စ်ဖိုရမ် ယူကရိန်းတပ်လှန့်သံက ငါ့ရွာထိ မြည် ဟီး လို့။ငါ့နှလုံးရဲ့ညာဘက်ခြမ်းမှာ မြေပုံတပုံရှိတယ်။ အမြင့်ဘုံကို လမ်းညွှန်တယ်။ ဘယ်ဘက်အခြမ်းကတော့ လူ့ငရဲသို့သွားတဲ့ စာရင်းပဲ။ အညာအကြေက လရောင်ဟာ မြေပေါ် ပြန့်ကျဲ ကွဲကြေနေတဲ့ ဖန်ခွက်ထဲက နွားနို့အရောင်ပဲ၊ ဒီလရောင်ရဲ့ အေးမြမှုတွေ၊ လှပမှုတွေကို […]

“Farewell My Concubine” (1993)သောရီငယ်ဘဝမှာ အိပ်မက်တွေအများကြီး ရှိခဲ့ဖူးမှာပဲ။ နွေးထွေးတဲ့ အိပ်ရာလေးတခုခု။ တစုံတယောက်ရဲ့ မြတ်နိုးဖွယ် ရာ။ အရောင်တောက်ပပြီး အနံ့မွှေးတဲ့ပန်းကလေး စသဖြင့်ပေါ့။ နေ့တနေ့ရဲ့အဆုံးသတ်မှာ လုပ်လက်စအလုပ် တွေပိတ်သိမ်းပြီး စိုစွတ်နေတဲ့လမ်းပေါ်လျှောက်ပြီး အဝါရောင်နွေးနွေးတွေထွန်းထားတဲ့ ဘားဆိုင်တဆိုင်ရဲ့ ထောင့်စွန်းကဝိုင်းမှာ ထိုင်နိုင်ဖို့ကပဲ နေ့တနေ့ကိုဖြတ်သန်းရမဲ့ ရည်ရွယ်ချက်ဖြစ်လာတယ်။ မလိုတာတွေဘဲ အလိုလိုရတတ်တာ ဘဝပဲဆိုတော့ နတ်သမီးပုံပြင်တွေအစား တကွက်စာတဖြတ်စာမှာပါတဲ့ ရုပ်ရှင်ပြကွက်တွေကိုပဲ ထပ်ကာထပ်ကာ ပြန်သတိရပြီး စွဲလန်းရတယ်။ ခန္ဓာကိုယ်ကသွေးတွေလည်း ဆိုင်ရှေ့နေရာအနှံ့မှာ […]

“လု လူး”ရဲခေါင်မဲမောင်မောင်ငြိမ်းအေး၏သူငယ်ချင်း စာရေးဆရာတယောက်သည် ဒဂုံမြို့သစ်မြောက်ပိုင်းမှာနေပြီး မောင်ငြိမ်းအေးက ဒဂုံမြို့သစ်တောင်ပိုင်းမှာ နေပါသည်။အပတ်စဉ် တနင်္လာနေ့တိုင်း ထိုသူငယ်ချင်းဆီသို့ လမ်းလျှောက်ကာ မောင်ငြိမ်းအေးသွားလေသည်။ တောင်နှင့်မြောက် ခြားနေသည်ဆိုသော်လည်း နှစ်ယောက်စလုံးက မြို့အဝင်အစပ်နားမှာချည်းဖြစ်ကြပြီး ဘတ်စ်ကားမှတ်တိုင်အနေဖြင့် ၆ မှတ်တိုင်မျှသာ ဝေးသောကြောင့်ဖြစ်ပါသည်။အရင်ရက်များက သူငယ်ချင်းဆီသို့သွားရာတွင် မောင်ငြိမ်းအေးတယောက် စိတ်အေးလက်အေးရှိပါသည်။ သွားသည့်အချိန်ကလည်း မနက်အစော ၆ နာရီလောက်ဖြစ်သည်။ ဆောင်းတွင်းမို့ ၆ နာရီဆိုသော်ငြား အလင်းရောင်မရှိသေးပါ။ လမ်းဓာတ်မီးတိုင်များမှ အလင်းရောင်သာရှိသည်။ ထို့ကြောင့် မောင်ငြိမ်းအေးတယောက်တည်း ဟိုတွေးသည်တွေးဖြင့် […]