တောင်နေတဲ့လိင်တံကို ရိုက်ချိုးခံလိုက်ရသလို ငါတို့ဘဝတွေ

“တောင်နေတဲ့လိင်တံကို ရိုက်ချိုးခံလိုက်ရသလို ငါတို့ဘဝတွေ”

ကျော်ခေါင်လင်း

အာဏာသိမ်းမှု ကြုံတုန်းက ငါထင်ခဲ့တာက အာသာဖြေဖို့လုပ်တုန်း လူမိသွားသလိုမျိုး ခံစားမှုမျိုးသာ ဖြစ်လိမ့်မယ်။ ငါပြီးမြောက်ဖို့ ၊ ငါ့အိပ်မက်တွေပြီးမြောက်ဖို့ ငါအစွမ်းကုန် စိတ်ပါဝင်စားခဲ့တာပေါ့။
ငါ့အခန်းတံခါးကို လော့ခ်ချဖို့မေ့သွားခဲ့တာက လိင်တံထောင်မတ်နေချိန် အခန်းတံခါးလာဖွင့်လိုက်သလို အာဏာသိမ်းမှုဟာ ငါ့ရဲ့ ပျော်ရွှင်မှု၊ ကြည်နူးမှုတွေ ဖြိုဖျက်ခဲ့ပေါ့။ ငါအများကြီး ပြင်ဆင်ခဲ့ရတာလေ တစ်ရှူးတွေ၊ ရေဗူးတွေ၊ နားကြပ်တွေ အစရှိသဖြင့်ပေါ့။
အခုတော့ သဲထဲရေသွန်တာထက်ပိုဆိုးတဲ့ အခြေအနေ၊ သဲထဲ ရေသွန်တာကမှ သဲ ကျစ်လျစ်မှုကို အထောက်အပံ့ပြုသေး။ နွေဦးတော်လှန်ရေးဟာ ငါနားထောင်နေကြ ”နွေဦးပုံပြင်”လို၊ ခံစားရတဲ့ သီချင်းတပုဒ်ထက် အများကြီးပိုနေတဲ့ မျက်မြင်ပန်းချီကားတချပ်၊ သမိုင်း canvas ပေါ်မှာ မျက်ရည်နဲ့ဆွဲထားတဲ့ ပန်းချီကားတချပ်။ အဲ့ပန်းချီကို တကားတည်းသီးသန့် ငါတို့နှလုံးသားထဲ ပြပွဲကျင်းပဖို့လိုတယ်။ နွေဦးပုံပြင်ရဲ့ intro မှာ ရွာလုံးကျွတ်မီးရှို့ခံလိုက်ရလို့ ငိုကြွေးနေတဲ့ ၁၂ နှစ်သမီးလေးရဲ့ မျက်ရည်တွေကို Melody အဖြစ်သုံးလိုက်စမ်းပါ။ စမ်းချောင်းလေးနံဘေးက နာကြင်နေတဲ့ ပန်းပွင့်လေးဟာ တော်လှန်ရေးမှာ တက်တက်ကြွကြွပါဝင်တဲ့ အမျိုးသမီးဆိုရင်ရော၊ မင်းအကြွေကြခံဦးမလား။ မင်းကတော့ ဟင့်အင်းလို့ပြောမှာပဲလေ။ ဒါပေမယ့် သူ့ဟာသူ ဖြစ်ပျက် သွားတာပဲပေါ့။ ရော့ ဒါဟာ မင်းအရမ်းကြိုက်တဲ့ မမဆိုပြီး Peggy lee ပုံ လာလာပြတဲ့ မမကရော အခုတောထဲမှာ Peggy lee သီချင်းနားထောင်ချင်နေမလား။ Radio က Fever* သီချင်းကြားတိုင်း ငါ့မမကို ငါကအချစ်ဖျားပဲ ဖျားစေချင်တာ။ အခုလို တောထဲက ငှက်ဖျားမဟုတ်ဘူး။ အခုတော့မမဟာ malaria ခံစားနေရရှာပေါ့။
ငှက်တွေလိုငါတို့ပျံချင်ခဲ့ကြတာ၊ ကဗျာတွေရွတ်၊ စာတွေရေးချင်ကြတ ။ ရည်းစားတွေရှုပ်ချင်ခဲ့ကြတဲ့ ငါတို့ပေါ့။
ပုံမှန်ချိန်ဆို ဘီယာဆိုင်မှာ အနာဂတ်အကြောင်း၊ ရှေ့ရေးအကြောင်း အာပေါင်အာရင်းသန်သန်ပြောလေ့ရှိတဲ့ငါတို့ဟာ အခုတော့ အနာဂတ် ဆိုတာဘာလဲမေးယူရတော့မှာ။ ဒီအချိန်မှာ အဲ့လိုထပြောတဲ့ကောင်တွေကိုလဲ သောက်ခွက်ရိုက်ချင်​က ပေါ့။ သီချင်းတပုဒ်၊ ရုပ်ရှင်တကားကြောင့်၊ အသဲကွဲတာကြောင့် ငါတို့ကျလေ့ကျထရှိတဲ့ မျက်ရည်တွေလို ဒါကြီးပြီးရင် ကျနိုင်ဦးပါ့မလား။ ငါတော့ ရှိုက်ကြီးတငင်ငိုချင်တာ၊ ငါတော့ စစ်ခွေးတွေစောက်ခွက်ထိုးချင်တာ၊ ငါက အသေခံဗုံးခွဲချင်တာ၊ ငါက လက်နက်ကိုင်ဖို့ တောခိုချင်တာ၊ ငါကနိုင်ငံခြားမှာ ကျောင်းသွားတက်ချင်တာ၊
ငါက ငါ့မမဆီကချစ်တယ်ပြောတာကြားချင်တာ၊ ငါ ပေါင်းများစွာပေါ့။ အခုတော့ မှန်ထဲမှာ ကိုယ့်ဟာကိုယ်ပြန်မြင်နေရတဲ့ ငါကို ဆွဲထိုးလိုက်၊ မင်းအခုကြုံနေရတဲ့မကျေနပ်ချက်တွေကို သူ့အပေါ်ပုံချပြီး မဲလိုက်စမ်းပါ၊ မှန်ထဲက ငါကို စစ်ခွေးအထင်နဲ့ ထိုးနှပ်လိုက်စမ်းပါ။ ပြီးရင်တော့ မင်းရှုံးပွဲချ ရှိုက်ကြီးတငင်ငိုဖို့မမေ့နဲ့။ မျက်ရည်ကိုသုတ်၊ အသက်ကိုဝအောင်ရှု ပြီးရင် အော်လိုက်စမ်းပါ၊ “တောင်နေတဲ့လိင်တံလို ရိုက်ချိုးခံလိုက်ရတဲ့ ငါတို့ဘဝတွေ”။

စက်တင်ဘာ ၂၁။