သေနတ်နဲ့ပစ်လို့မသေတဲ့ငါတို့ခေါင်းတွေ

‘သေနတ်နဲ့ပစ်လို့မသေတဲ့ငါတို့ခေါင်းတွေ’
◼️ဂနိုက်
တကယ်သတ်ဖို့ပြင်ဆင်ပြီးရင် ရှေ့တိုးခဲ့တော့
မင်းတို့သေနတ်ကကျည်ဆံဟာ ငါတို့ကိုမသတ်နိုင်ဘူး
ငါတို့ဉီးခေါင်းခွံတွေအောက်မှာ ချစ်ခြင်းမေတ္တာတွေရှိတယ်
မင်းတို့ပစ်ရင် မင်းတို့သေမယ် ငါတို့ကနောက်ဆုတ်မှာမဟုတ်။
ခုတ်လို့မပြတ်တဲ့ကြိုးဟာ ငါတို့ခေါင်းပဲ
ခပ်လို့မကုန်တဲ့ရေဟာ ငါတို့နှလုံးသား
မင်းတို့သေရဲလားလို့မေးပြီးပြီ
ငါတို့မှာတကယ်မသေတဲ့ခေါင်းတွေရှိတယ်
မသတ်ရဲရင် နောက်ကိုရဲရဲဆုတ်လိုက်
ငါတို့ဟာ စစ်ချီတေးကို သံပြိုင်အော်ပြီး ဒုန်းစိုင်းလာနေပြီ
ဒီလမ်းတွေလွန်ရင် ပန်းတွေပွင့်တော့မှာ
ကောက်ပဲသီးနှံတွေဖွေးဖွေးလှုပ်တဲ့နေ့တွေထပ်မမြင်ချင်တော့ရင်
မင်းလက်ညိုးက ထရေဂါကိုဆွဲညှစ်ချလိုက်
ငါတို့ကတော့ ဘယ်တော့မှမသေနိုင်တဲ့လူသားတွေ
မင်းတို့လုပ်သမျှ မင်းတို့ခံရမယ်
ငါတို့ကိုတချက်ပစ်ရင် မင်းတို့အသဲတခါကွဲမယ်
နတ်ဘုရားတွေမရှိတဲ့ငါတို့ဘက်မှာ ချစ်ခြင်းမေတ္တာပဲရှိတယ်
ကဲ ဘာလိုသေးလဲ အနာဂတ်မိုးကောင်းကင်မှာ တိမ်မည်းတွေပြည့်နေပြီ
အပြင်းအထန်ရွာချဖို့ ငါတို့လာနေပြီ
သေရဲတဲ့ကောင်ထွက်ခဲ့ဆိုတဲ့ကောင်တွေဆီ ငါတို့လာနေပြီ။
၂၀၂၄ ဒီဇင်ဘာ
About The Call 600 Articles
"The Call - ခေါ်သံ" အွန်လိုင်းမဂ္ဂဇင်းသည် မြန်မာ့နွေဦးတော်လှန်ရေးဘက်တွင် အခိုင်အမာရပ်တည်သော မဂ္ဂဇင်းတခုဖြစ်သည်။ နွေဦးတော်လှန်ရေးကို အထောက်အပံ့ဖြစ်စေသော၊ နွေဦးတော်လှန်ရေးတွင် နည်းလမ်းအမျိုးမျိုး ပုံသဏ္ဌာန်အမျိုးမျိုးဖြင့် ပါဝင်လှုပ်ရှားနေကြသူအားလုံးအတွက် အတွေးသစ် အမြင်သစ်များရစေပြီး တော်လှန်ရေးလုပ်ငန်းများကို အထောက်အကူဖြစ်စေသော ကဏ္ဍပေါင်းစုံကို ရေးသား၊ တင်ဆက် ထုတ်လွှင့် ဖော်ပြသွားမည်ဖြစ်သည်။ စစ်ကောင်စီ ကျူးလွန်သော စစ်ရာဇဝတ်မှုများ၊ လူ့အခွင့်အရေး ချိုးဖောက်မှုများသာမက ပြည်သူတို့အ​ပေါ် ကျူးလွန်သည့် စစ်​ကောင်စီ၏ ရာဇဝတ်မှုတိုင်းအား ​ဖော်ထုတ်သွားမည် ဖြစ်သည်။

Be the first to comment

Leave a Reply

Your email address will not be published.


*